بنیادی صفحہ -> دنیا کی خبریں -> حادثے کا شکارانڈونیشین طیارے "لیون ایئر” کا ملبہ مل گیا
انڈونیشین

حادثے کا شکارانڈونیشین طیارے "لیون ایئر” کا ملبہ مل گیا

لاہور(ویب ڈیسک): انڈونیشیا کی فوج کے سربراہ نے دعوی کیا ہے کہ حکام نے سوموار کے روز حادثے کا شکار ہونے والے "لیون ایئر” کے ملبے کا سراغ لگا لیا ہے۔ یہ جہاز سوموار کو علی الصباح پرواز کے کچھ ہی دیر بعد سمندر میں گر کرتباہ ہوگیا تھا۔ طیارے پر 189 افراد سوار تھے۔میڈیا کے مطابق انڈونیشیا کے آرمی چیف جنرل ھادی تجاگانٹو نے میڈیا کو بتایا کہ ہمیں حادثے کا شکار ہونے والے بدقسمت طیارے کی جگہ کا پتا چل گیا ہے۔ ان کا کہنا تھا کہ "جے ٹی 610” طیارے کا ملبہ مل گیا ہے۔ادھر انڈونیشیا کی ٹرانسپورٹ اتھارٹی کے ایک عہدیدار بتایاکہ حادثے کا شکار ہونے والے طیارے کا پتا چلانے کے لیے مقرر کردہ ٹیم کے غوطہ خوروں کو منگل کے روز سمندر میں طیارے کے صوتی سنگل موصول ہوئے تھے۔ بدھ کو انہوں نے جگہ کا تعین کرلیا ہے۔انڈونیشیا کی ٹرانسپورٹ اتھارٹی وائس چیئرمین ھاریو ساتمیکو نے "رائٹرز” کو بتایا کہ ہوائی جہاز سمندر میں 35 میٹر کی گہرائی میں ملا ہے۔قبل ازیں "لیون ایئر” کمپنی کی طرف سے ایک بیان میں کہا گیا تھا کہ مسافر جہاز بانکال بینانک جاتے ہوئے حادثے کا شکار ہوگیا۔ اس ہوائی جہاز نے ایک گھنٹہ دس منٹ میں اپنی منزل پر پہنچنا تھا۔ طیارے میں عملے سمیت 189 افراد سوار تھے جن میں 181 عام مسافر دو بچے اور دو شیرخوار شامل تھے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*