برازیل میں بالکونی سینما متعارف

برازیل (ماینٹرنگ ڈیسک)برازیل کے شہر ریوڈی جنیرو میں بالکونی سینما متعارف کرا دیا گیا ہے، شہری اپنے گھروں کی بالکونیوں میں کھڑے ہو کر فلمیں دیکھنے لگے۔

کورونا وائرس کے باعث ہونے والے لاک ڈاﺅن کی صورتحال میں برازیل کے شہر ریو ڈی جنیرو میں مقامی حکومت نے شہریوں کو تفریح فراہم کرنے کا منفرد انداز اپنایا اور بالکونی سینما بنا ڈالا۔

مقامی حکومت نے گاڑیوں پر بڑی سکرینز لگائیں اور شہر کے مختلف مقامات پر ان گاڑیوں کو اپارٹمنٹس کے سامنے کھڑا کر دیا اور فلمیں نشر کیں۔شہریوں نے گھروں کی بالکونیوں میں کھڑے ہوکر فلمیں انجوائے کیں۔