بنیادی صفحہ -> شوبز کی خبریں -> فیشن پاکستان ویک : ہانیہ عامر اور عاصم اظہر نے دھوم مچا دی

فیشن پاکستان ویک : ہانیہ عامر اور عاصم اظہر نے دھوم مچا دی

لاہور(ویب ڈیسک)‌ فیشن پاکستان ویک 2019 اپنی تمام تر رعنائیوں کے ساتھ گزشتہ رات اختتام کو پہنچا، تیسرے اور آخری روز اداکارہ ہانیہ عامر اور گلوکار عاصم اظہر سب پربھاری رہے۔

تفصیلات کے مطابق :‌ کراچی کے بیچ لگژری ہوٹل میں ہونے والے فیشن پاکستان ویک کے آخری روز ہانیہ عامر فیشن ڈیزائنر زینب چھوٹانی کے تیار کردہ ملبوسات کی نمائش کے دوران بطور شو اسٹاپر پیش ہوئیں۔ سرخ رنگ کے جدت لیے روایتی لباس میں ہانیہ عامرخوب جچ رہی تھیں لیکن حاظرین اس وقت خوب محظوظ ہوئے جب ان کے ساتھ ساتھ گلوکار عاصم اظہر کی انٹری بھی ہوئی۔ مائیک پکڑے عاصم ہانیہ کو والہانہ انداز میں دیکھتے ہوئے گانا گا رہے تھے۔ تالیوں کی گونج نے بتایا کہ حاظرین کو دونوں کی جوڑی بہت پسند آئی ہے۔ حقیقی زندگی میں ہانیہ اور عاصم اظہر کے درمیان گہری دوستی ہے اور سوشل میڈیا پر عاصم کی جانب سے ہانیہ کی تصاویر پر کیے جانے والے تبصرے بھی ان کا گہرا تعلق واضح کرتے ہیں تاہم دونوں کی جانب سے تاحال اس حوالے سے کچھ نہیں کہا گیا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*