بنیادی صفحہ -> اہم خبریں -> ڈی جی آئی ایس پی آر نے شاہ رخ خان کو آڑے ہاتھوں لے لیا
شاہ رخ خان

ڈی جی آئی ایس پی آر نے شاہ رخ خان کو آڑے ہاتھوں لے لیا

لاہور(ویب ڈیسک): ڈی جی آئی ایس پی آر میجر جنرل آصف غفور نے پاکستان مخالف ویب سیریز بنانے والے بھارتی مسلمان اداکار شاہ رخ خان کو آڑے ہاتھوں لیا ہے۔ بالی ووڈ اداکار شاہ رخ خان نے نیٹ فلکس کیلئے بارڈ آف بلڈ نامی ایک سیریز پروڈیوس کی ہے جس میں بلوچستان میں انڈین خفیہ ایجنسی ’را‘ کے آپریشن کو دکھایا گیا ہے۔ شاہ رخ خان نے اس سیریز کا ٹریلر ٹوئٹر پر شیئر کیا تو ڈی جی آئی ایس پی آر میجر جنرل آصف غفور بھی میدان میں آگئے۔

ڈی جی آئی ایس پی آر میجر جنرل آصف غفور نے شاہ رخ خان کو مخاطب کرکے کہا کہ ’ تم بالی ووڈ کے سنڈروم میں ہی رہو، حقیقت میں ’ را‘ کے جاسوس کلبھوشن جادھو کو دیکھو ، ونگ کمانڈر ابھی نندن اور 27 فروری 2019 کی صورتحال دیکھو۔ بالی ووڈ سنڈروم میں الجھے شاہ رخ خان کے کشمیریوں پر جاری مظالم کے خلاف بات نہ کرنے پر بھی ڈی جی آئی ایس پی آر نے انہیں خوب آڑے ہاتھوں لیا اور کہا آپ بالی ووڈ سنڈروم میں رہنے کے بجائے امن اور انسانیت کی بات بھی کرسکتے تھے ، آپ مقبوضہ جموں و کشمیر میں جاری مظالم ، ہندو توا اور آر ایس ایس کے نازی ازم کے خلاف آواز بلند کرکے امن کو پرموٹ کرسکتے تھے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*