بنیادی صفحہ -> دنیا کی خبریں -> دبئی ایئرپورٹ کے نزدیک برطانوی طیارہ گر کر تباہ

دبئی ایئرپورٹ کے نزدیک برطانوی طیارہ گر کر تباہ

لاہور(ویب ڈیسک) متحدہ عرب امارات کے دبئی ایئرپورٹ کے قریب چار نشستوں والا ایک چھوٹا طیارہ گر کر تباہ ہوگیا جس کے نتیجے میں اس میں سوار ایک افریقی اور 3 برطانوی شہری ہلاک ہوگئے۔

تفصیلات کے مطابق : بین الاقوامی خبر رساں ادارے نے بتایا ہے کہ دبئی ایئرپورٹ سے محض تین میل کے فاصلے پر ایک چھوٹا برطانوی طیارہ دوران پرواز خرابی پیدا ہونے کے باعث ہچکولے کھاتا ہوا گر کر تباہ ہو گیا،حادثے میں پائلٹ اور 3 مسافر ہلاک ہوگئے جس کی تصدیق جمعرات کو یواے ای جنرل سول ایوی ایشن اتھارٹی نے بھی کردی۔ ہنی ویل کی ملکیت برطانیہ میں رجسٹرڈ ڈی اے 42 طیاروں کی پروازوں کے لیے فلک پیمائی نظام کو جانچنے پر مامور تھا کہ اپنے مشن کے دوران میکانی خرابی کے باعث حادثے کا شکار ہو گیا۔ طیارے میں 3 برطانوی اور ایک جنوبی افریقی شہری سوار تھے جبکہ اس حادثے کی تحقیقات کے لیے کمیٹی تشکیل دے دی گئی ہے۔ واقعے کے بعد دبئی ایئرپورٹ پر ایمرجنسی نافذ کردی گئی اور اس دوران تمام پروازیں معطل کردی گئیں۔ سول ایوی ایشن کے عملے نے جائے حادثہ پر امدادی کام اپنی نگرانی میں مکمل کرائے۔ ہلاک ہونے والے افراد کی لاشوں کو قریبی اسپتال منتقل کردیا گیا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*