کنویں کی صفائی کرتے ایک ہی خاندان کے 5 افراد جاں بحق

بلوچستان(مانیٹرنگ ڈیسک)دشت میں کنویں کی صفائی کے دوران لگائے گئے جنریٹر کے دھویں سے دم گھٹنے کے باعث پانچ افراد جاں بحق ہوگئے۔

لیویز حکام کے مطابق ضلع کیچ کے علاقے دشت میں کنویں کی صفائی کے دوران جنریٹر کنویں کے اندر رکھ کر چلایا گیا تھا،جس سے جنریٹر کا دھواں کنویں کے اندر بھر گیا اور ایک ہی خاندان کے پانچ افراد دم گھٹنے سے انتقال کر گئے۔

لیویز حکام نے بتایا کہ جاں بحق ہونے والے افراد میں باپ اور دو بیٹے بھی شامل ہیں۔

لیویز حکام نے لاشیں کنویں سے نکال کر تربت سول ہسپتال منتقل کردیں جہاں طبی معائنہ کے بعد لاشوں کو ورثا کے حوالے کردیا گیا ہے۔