بنیادی صفحہ -> اہم خبریں -> وزیراعظم کی ہدایت پر شاہ محمود قریشی ایران پہنچ گئے

وزیراعظم کی ہدایت پر شاہ محمود قریشی ایران پہنچ گئے

لاہور(ویب ڈیسک)‌ وزیراعظم عمران خان کی ہدایت پر وزیر خارجہ شاہ شاہ محمود قریشی کی ایران صدر حسن روحانی سے ملاقات کی ۔

وزیراعظم عمران خان کی ہدایت پر 2 روزہ دورہ ایران کے اختتام پر اپنی ٹوئٹ میں شاہ محمود قریشی نے کہا کہ ایرانی صدر حسن روحانی سے تعمیری اور مثبت بات چیت ہوئی ہے۔ ہم نے تہیہ کررکھا ہےکہ خطے میں امن و استحکام کے لیے سفارتی کوششیں جاری رکھیں گے اور پاکستانی سرزمین کسی جنگ کےلیے استعمال نہیں ہوگی۔


واضح رہے کہ وزیر خارجہ شاہ محمود قریشی وزیراعظم عمران خان کی خصوصی ہدایت پر بیرون ممالک کے دورے کررہے ہیں۔ ان کے ہمراہ سیکرٹری خارجہ سہیل محمود اور وزارت خارجہ کے سینئر حکام بھی موجود ہیں۔ وزیر خارجہ شاہ محمود قریشی گزشتہ روز ایران پہنچے تھے جہاں انہوں نے ایرانی صدر حسن روحانی اور وزیر خارجہ جواد ظریف سے ملاقاتیں کی تھیں، اس موقع پر انہوں نے کہا کہ پاکستان کے ایران کے ساتھ گہرے مذہبی، تاریخی اور ثقافتی تعلقات ہیں، پاکستان ایران کے ساتھ تعلقات کو اہمیت دیتا ہے، ایران امریکا کشیدگی کا معاملہ افہام و تفہیم سے حل کرنے کی ضرورت ہے، پاکستان خطے میں کسی بھی جنگ کا حصہ نہیں بنے گا۔ دورہ ایران کے بعد اب وزیر خارجہ اور اعلیٰ سفارتی حکام آج سعودی عرب پہنچیں گے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*