بنیادی صفحہ -> پاکستان کی خبریں -> دفتر خارجہ نے ایران کے وزیر سے کیا گفتگو کی؟

دفتر خارجہ نے ایران کے وزیر سے کیا گفتگو کی؟

اسلام آباد: سیکریٹری خارجہ تہمینہ جنجوعہ اور ایران کے نائب وزیر خارجہ سید عباس اراغچی کے درمیان ٹیلی فونک رابطے میں دونوں ممالک نے تمام شعبوں میں باہمی تعاون بڑھانے پر اتفاق کیا۔

تفصیلات کے مطابق ترجمان دفتر خارجہ ڈاکٹر محمد فیصل نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ سیکریٹری خارجہ تہمینہ جنجوعہ اور ایران کے نائب وزیر خارجہ سید عباس اراغچی کے درمیان رابطہ ہوا ہے۔

ترجمان دفتر خارجہ کے مطابق باہمی رابطے میں باہمی دلچسپی کے امور پر تبادلہ خیال ہوا۔ پاکستان اور ایران نے تمام شعبوں میں باہمی تعاون بڑھانے پر اتفاق کیا۔

ڈاکٹر فیصل کے مطابق سیکریٹری خارجہ نے خطے میں امن اور کشیدگی میں کمی پر پاکستان کی کوششوں سے آگاہ کیا۔

alخیال رہے کہ چند روز قبل وزیرِ اعظم عمران خان نے بھی ایران کے صدر حسن روحانی سے ٹیلی فونک رابطہ کیا تھا، ٹیلی فونک گفتگو میں خطے کی مجموعی صورتحال پر تبادلہ خیال کیا گیا۔ دونوں رہنماؤں نے باہمی تعلقات کو مزید مضبوط کرنے پر اتفاق کیا۔

وزیرِ اعظم عمران خان نے ایران میں حالیہ دہشت گردی کے واقعے پر اظہارِ افسوس کیا اور مستقبل میں ایران کے دورے کے امکان پر بھی بات چیت کی تھی۔

دونوں رہنماؤں کے درمیان دہشت گردی کے خاتمے کے لیے انٹیلی جنس ایجنسیوں میں تعاون بڑھانے پر اتفاق کیا گیا اور پاک بھارت کشیدگی پر بھی تبادلہ خیال کیا گیا۔

اس موقع پر ایرانی صدر حسن روحانی کا کہنا تھا کہ پاکستان اور ایران برادر اسلامی ممالک ہیں، دونوں ممالک تاریخی اور ثقافتی ورثے میں جڑے ہوئے ہیں۔ خطے میں اقتصادی ترقی کے لیے امن کی کوششیں جاری رکھیں گے

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*