لاہور(ویب ڈیسک) بھارتی وکٹ کیپر بیٹسمین اور سابق کپتان مہندرا سنگھ دھونی نے میچ فکسنگ کو قتل سے بڑا جرم قرار دے دیا۔

تفصیلات کے مطابق : ان خیالات کا اظہار انھوں نے اپنی آئی پی ایل ٹیم چنئی سپر کنگز کی سپاٹ فکسنگ میں 2برس کی معطلی کے بعد واپسی کے حوالے سے بننے والی ایک دستاویزی فلم میں کیا۔سابق کپتان نے کہاکہ 2013کے فکسنگ سکینڈل میں خود مجھ پر بھی الزامات عائد کیے گئے، یہ بہت ہی مشکل وقت تھا، میں نے بڑی مشکل سے خود کو سنبھالا، میچ فکسنگ قتل سے بھی بڑا جرم ہے ۔ مہندر سنگھ دھونی نے کہا ہے کہ وہ اب 2019 کے آئی سی سی ورلڈ کپ کی تیاریوں میں مصروف ہیں۔یاد رہے کہ تین روز قبل موہالی میں آسٹریلیا نے انڈیا کے ساڑھے تین سو سے زیادہ رنز کے ’پہاڑ‘ کو ریزہ ریزہ کرتے ہوئے تاریخ کی بدترین شکست دے تھی بلکہ 5 میچوں کی سیریز میں واپسی کرتے ہوئے ایک روزہ میچوں کی یہ سیریز دو ، دو کے مقابلے سے برابر کر دی تھی ۔آسٹریلیا کے خلاف پانچ میچوں پر مشتمل ون ڈے سیریز کے آخری دو مقابلوں میں سابق کپتان اور وکٹ کیپر مہندر سنگھ دھونی کو آرام دیا گیا تھا جو بھارت کو مہنگا پڑ گیا ہے ۔