لاہور(ویب ڈیسک):نیب نے سابق وزیراعظم اورپاکستان مسلم لیگ ن کے قائد میاں محمد نوازشریف کیخلاف شکنجہ مزید کسنے کا فیصلہ کرلیاہے. احتساب عدالت نے نوازشریف کو العزیزیہ ریفرنس میں سات سال قید اور جرمانے کی سزا سنا دی ہے جسے نوازشریف کی جانب سے اسلام آباد ہائیکورٹ میں چیلنج کر دیا گیا ہے تاہم اب نیب نے بھی سابق وزیراعظم کیخلاف اب بڑا قدم اٹھانے کا فیصلہ کر لیا ہے ۔ احتساب عدالت کی جانب سے نوازشریف کو فلیگ شپ ریفرنس میں بری کیے جانے کے فیصلے کو چیلنج کرنے کیلئے نیب نے اپیل تیار کر لی ہے جبکہ نیب کی جانب سے العزیزیہ ریفرنس میں بھی سزا بڑھانے کی اپیل دائر کی جائے گی ۔نیب کی جانب سے اپیل میں موقع اختیار کیا جائے گا کہ نوازشریف کو 7 سال قیدکی سزا کم ہے،بڑھائی جائے، جرم ثابت ہوچکا،دفعہ 9 اے 5 میں سزا 14 سال ہے۔

سندھ میں ان ہاؤس تبدیلی کا امکان، پی ٹی آئی کی اہم شخصیت کراچی پہنچ گئی
لاہور(ویب ڈیسک(: وفاقی حکومت کی جانب سے ای سی ایل میں‌ڈالےجانے کے بعد وزیراعلیٰ سندھ سید مرادعلی شاہ کو عہدے سے ہٹانے کی تیاریاں عروج پر پہنچ گئی ہے اورپی ٹی آئی نے ان ہاؤس تبدیلی کے لیے دوسری جماعتوں سے رابطے شروع کردیے ہیں اس سلسلے میں وفاقی وزیربرائے اطلاعات ونشریات فواد چوہدری بھی آج کراچی پہنچ رہے ہیں. تحریک انصاف نے سندھ اسمبلی کے اراکین سے ملاقاتوں کا سلسلہ شروع کردیا اور اس سلسلے میں گزشتہ روز گورنر سندھ عمران اسماعیل، وزیر مملکت شہریار آفریدی اور حلیم عادل شیخ نے جی ڈی اے کے رکن صوبائی اسمبلی سردار علی گوہر مہر سے ملاقات کی۔سندھ اسمبلی میں ان ہاو¿س تبدیلی کے لیے تحریک انصاف کی جانب سے کوششیں تیز کردی گئی ہیں۔یاد رہے کہ سندھ اسمبلی میں پیپلز پارٹی کی 99 اور مشترکہ اپوزیشن کی 64 نشستیں ہیں اور اکثریت حاصل کرنے کے لیے اسمبلی میں 85 نشستیں درکار ہیں اور موجودہ صورتحال میں ان ہاؤس تبدیلی کے لیے اپوزیشن کے پاس عددی اکثریت موجود نہیں۔