Buy website traffic cheap


‘نو ڈیل نو کمپرو مائز’، احتساب کا عمل جاری رہے گا ؛ وزیراعظم

لاہور(ویب ڈیسک) وزیراعظم عمران خان نے ایک بار پھر ڈیل کے امکانات کو مسترد کردیا۔

تفصیلات کے مطابق : وزیراعظم عمان خان سے بابر اعوان سے ملاقات کی جس میں حکومت کے آئینی اور قانونی معاملات پر بھی تفصیلی تبادلہ خیال کیا گیا۔ وزیراعظم نے ایک بار پھر کسی بھی قسم کی ڈیل کے امکانات مسترد کردیا اور ’نوڈیل نو کمپرومائز‘ کا دو ٹوک مؤقف اپنایا۔ ذرائع کے مطابق وزیراعظم عمران خان نے کہا کہ احتساب کا عمل اسی طرح جاری رہےگا، پہلی مرتبہ احتساب کا عمل سیاسی مداخلت سے آزاد ہے، احتساب کا عمل شفاف اور بےلاگ ہے جو جاری رہےگا۔ ذرائع نے بتایا کہ وزیراعظم نے مقبوضہ کشمیر سے متعلق کہا کہ پوری توجہ کشمیر کاز پر مرکوز ہے، جنرل اسمبلی میں خطاب اہم ہوگا۔ وزیراعظم سے ملاقات میں بابر اعوان کا کہنا تھا کہ کشمیرکے معاملے پر حکومت کی جارحانہ حکمت عملی درست اقدام ثابت ہوا، پہلی بار کامیاب خارجہ پالیسی کے باعث پوری دنیا میں کشمیر کا مقدمہ سنایا گیا۔ بابر اعوان نے مزید کہا کہ ڈیل کی خبریں پھیلانے والوں کو مایوسی ہو گی۔