بنیادی صفحہ -> اہم خبریں -> پاکستانی وفد اہم پیکج کیلئے چین پہنچ گیا
پاکستانی وفد

پاکستانی وفد اہم پیکج کیلئے چین پہنچ گیا

اسلام آبا (ویب ڈیسک) پاکستانی وفد مالیاتی پیکج پر بات چیت کیلئے چین پہنچ گیا ہے. تفصیلات کے مطابق وزیراعظم عمران خان کے دورہ چین کے بعد مالیاتی پیکج پر بات چیت کے لیے پاکستانی وفد چین پہنچ گیا ہے۔ وزیراعظم عمران خان کے دورہ چین کے فالو اپ میں سیکرٹری خزانہ اور گورنر اسٹیٹ بینک کی قیادت میں پاکستان کا اعلیٰ سطح کا وفد چین پہنچ گیا ہے جہاں پاکستانی حکام چائنیز حکام سے مالیاتی پیکج اور کرنسی سوئپ ایگریمنٹ کے حجم میں اضافے پر بات کریں گے، کرنسی سوئپ کے تحت چین کی جانب سے 3 ارب ڈالر مالیت تک کی سہولت دی گئی ہے۔ اسٹیٹ بینک حکام کا کہنا ہے کہ چین کی 3 ارب ڈالر کی سہولت ٹائم باؤنڈ نہیں ہے، چین کے ساتھ پاکستان کو مالی بحران سے نکالنے کے لیے پیکج پر جامع بات ہوگی، اس کے علاوہ دونوں ممالک کے درمیان بینکنگ کے شعبہ میں تعاون بڑھانے پر بھی بات ہوگی اور دونوں ممالک میں مزید بینک برانچز قائم کرنے پر بھی پیشرفت کا امکان ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*