بنیادی صفحہ -> اہم خبریں -> وزیراعظم شنگھائی تعاون تنظیم میں شرکت کے لیے کرغزستان روانہ
کرغزستان

وزیراعظم شنگھائی تعاون تنظیم میں شرکت کے لیے کرغزستان روانہ

لاہور(ویب ڈیسک): وزیراعظم عمران خان کی شنگھائی تعاون تنظیم میں شرکت کے لیے کرغزستان روانگی ہوگئے ہیں.وزیراعظم عمران خان شنگھائی تعاون تنظیم کے سربراہان مملکت کے ہونے والے اجلاس میں پاکستان کی نمائندگی کریں گے۔ تفصیلات کے مطابق کرغستان کے صدر سورونبے جین بیکو نے وزیراعظم عمران خان کو شنگھائی تعاون تنظیم کے دو روزہ اجلاس میں شرکت کی دعوت دی ہے۔ وزیراعظم عمران خان شنگھائی تعاون تنظیم کے اجلاس سے خطاب کریں گے۔ وزیراعظم عمران خان اجلاس میں شرکت کرنے والے دیگر رہنماؤں سے ملاقاتیں کریں گے۔ شنگھائی تعاون تنظیم کے ارکان اور مبصرملکوں کے علاوہ اہم بین الاقوامی تنظیموں کے نمائندے بھی اجلاس میں شرکت کریں گے۔ اجلاس کے موقع پر 14 جون کو وزیراعظم عمران خان اور روسی صدر ولادی میر پیوٹن کے مابین ملاقات متوقع ہے جو پاکستان کے لیے بڑی سفارتی کامیابی ہے۔ واضح رہے کہ پاکستان شنگھائی تعاون تنظیم کا رکن بننے کے بعد سے امور خارجہ، دفاع، قومی سلامتی، معیشت اور تجارت، تعلیم، نوجوانوں اور خواتین کو بااختیار بنانے، سیاحت اور ذرائع ابلاغ سمیت تنظیم کے مختلف شعبوں میں بھرپور شرکت کررہا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*