بنیادی صفحہ -> اہم خبریں -> وزیراعظم نےبڑی ہدایات جاری کردیں

وزیراعظم نےبڑی ہدایات جاری کردیں

اسلام آباد: وزیراعظم نے ملک کے بگڑتے حالات کے پیش نظر سخت ایکشن لینے کی ٹھان لی اور ایک ایسی چیز کی روک تھام کاعندیہ دے دیا جسے روکنے کے دعوے پہلے بھی کئے جاتے رہے.

وزیراعظم عمران خان نے کہا ہے کہ منی لانڈرنگ سے معیشت کو ناقابل تلافی نقصان پہنچا، روک تھام یقینی بنائیں گے، متعلقہ ادارے اقدامات تیز کر دیں۔
وزیراعظم عمران خان کے زیر صدارت منی لانڈرنگ کی روک تھام سے متعلق اجلاس میں وزیر خزانہ اسد عمر، وزیر قانون فروغ نسیم، وزیر اطلاعات فواد چودھری اور وزیر مملکت داخلہ شہریار آفریدی، ندیم افضل چن، افتخار درانی اور یوسف بیگ مرزا نے شرکت کی۔
منی لانڈرنگ کی روک تھام کیلئے اقدامات تیز کر دیں، وزیراعظم
اجلاس میں ایف آئی اے، ایف بی آر، سٹیٹ بینک اور نادرا حکام نے وزیراعظم عمران خان کو منی لانڈرنگ کی روک تھام کے لیے اٹھائے جانے والے اقدامات پر بریفنگ دی۔

اس کے علاوہ وزیر قانون فروغ نسیم نے منی لانڈرنگ قوانین میں مجوزہ ترامیم پر بریفنگ دی۔ وزیراعظم نے اس موقع پر منی لانڈرنگ روکنے کے لیے اقدامات میں تیزی لانے کی ہدایت کی۔

وزیراعظم نے ہدایت کی کہ منی لانڈرنگ نے معیشت کو ناقابل تلافی نقصان پہنچایا، منی لانڈرنگ روکنے کے لیے تمام متعلقہ ادارے اپنے درمیان روابط بہتر بنائیں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*