Buy website traffic cheap


” اللہ تعالیٰ وزیراعظم عمران خان سے کوئی بڑا کام لینا چاہتا ہے “

لاہور(ویب ڈیسک): پاکستان کرکٹ ٹیم کے مایہ ناز سابق کپتان شاہد آفریدی نے کہا ہے کہ وزیراعظم پاکستان نے اسلام ، پاکستان اور کشمیر کا مقدمہ بڑے جرات مندانہ طریقے سے دنیا کے سامنے پیش کیا، اللہ تعالیٰ عمران خان سے کوئی بڑا کام لینا چاہتا ہے۔

تفصیلات کے مطابق لاہورمیں میڈیا سے گفتگو کرتے ہوئے شاہد خان آفریدی نے وزیراعظم عمران خان کی اقوام متحدہ میں تقریر کو زبردست قرار دیتے ہوئے کہا کہ انہوں نے اسلام، پاکستان اور کشمیر کا مقدمہ بڑے جرات مندانہ طریقے سے دنیا کے سامنے پیش کیا، عمران خان نے حقیقی معنوں میں پاکستان اور کشمیر کی نمائندگی کرکے سب کے دل جیت لئے ہیں، اللہ تعالی ان سے کوئی بڑا کام لینا چاہتا ہے، ہم سب ان کی کامیابی کیلئے دعاگو ہیں۔ اس موقع پر انہوں نے سری لنکن کرکٹ ٹیم کی پاکستان آمد کو بھی خوش آئند قرار دیا اور کہا کہ شائقین کرکٹ کو اپنے سٹارز کھلاڑیوں کو اپنے گراؤنڈز پر کھیلتے ہوئے دیکھنے کا موقع مل رہا ہے، جو زبردست چیز ہے، یقین ہے کہ اگلے میچوں میں بہترین کرکٹ دیکھنے کو ملے گی، بڑے عرصے بعد اتنی بارش کراچی میں دیکھی ہے۔