امریکا کا ممبئی حملوں کے ملزمان کی گرفتاری پر 50 لاکھ ڈالرکے نئے انعام کا اعلان
لاہور(ویب ڈیسک): امریکا نے ممبئی حملوں کے ملزمان کی گرفتاری پر 50 لاکھ ڈالرکے نئے انعام کا اعلان کردیا ہے. تفصیلات کے مطابق ممبئی حملوں کے دس سال مکمل ہونے پرامریکی وزیرخارجہ مائیک پومپیونے ردِ عمل دیتے ہوئے کہاہے کہ ابھی تک اس کے ذمہ دران کو سزانہیں دی گئی . ملزمان کو سزا نہ ملنا ہلاک ہونے والوں کے ورثا کی توہین ہے.تمام ممالک بالخصوص پاکستان سلامتی کونسل کی پابندیوں پر عمل کریں. یادرہے کہ حافظ محمد سعید کی گرفتاری پر ایک کروڑ ڈالر انعام کا اعلان کیا گیا تھا اور حافظ عبدالرحمان مکی کی گرفتاری پر20 لاکھ ڈالر انعام کا اعلان کیا گیا تھا.