بنیادی صفحہ -> اہم خبریں -> امریکی نمائندہ خصوصی زلمے خلیل زاد کی وزیراعظم عمران‌ خان سے ملاقات
زلمے خلیل زاد

امریکی نمائندہ خصوصی زلمے خلیل زاد کی وزیراعظم عمران‌ خان سے ملاقات

لاہور(ویب ڈیسک): امریکی نمائندہ خصوصی برائے افغانستان زلمے خلیل زادنے وزیراعظم عمران خان سے ملاقات کی ہے اورامریکی صدرڈونلڈٹرمپ کی جانب سے وزیراعظم پاکستان کے لیے نیک خواہشات کا اظہارکیا. وزیراعظم عمران خان نے دوطرفہ تعلقات کیساتھ ساتھ تعلیم، تجارت اورصحت کے شعبے میں تعاون بڑھانے پر زوردیا اورکہا کہ پاکستان نے ہمیشہ سیاسی طریقے سے مسئلہ افغانستان کو حل کرنے کی تجویزدی ہے. انہوں نے مزید کہا کہ امریکی صدرڈونلڈٹرمپ کا خط اورافغانستان مین مصالحت کی ذریعے مسائل کا حل مثبت پیش رفت ہے. زلمے خلیل زاد نے کہا کہ امریکہ افغانستان کے حل کے لیے پاکستان کیساتھ مل چلناچاہتاہے. امریکی نمایندہ خصوصی برائے افغانستان زلمے خلیل زاد کا خطے کا تیسرا دورہ ہے. زلمے خلیل زاد آج سے 20 دسمبر تک 3 ہفتے کے طویل دورے پر روانہ ہوئے ہیں. امریکی نمایندہ خصوصی پاکستان، افغانستان، روس، ازبکستان کا دورہ کرینگے. زلمے خلیل زاد ترکمانستان، بیلجیم، متحدہ عرب امارات اور قطر بھی جائیں گے.

وزیراعظم عمران خان اور مائیکروسافٹ کے بانی بل گیٹس کے درمیان ٹیلیفونک رابطہ

لاہور(ویب ڈیسک): وزیراعظم عمران خان اور مائیکروسافٹ کے بانی بل گیٹس کے درمیان ٹیلیفونک رابطہ ہواہے جس میں تیس منٹ سے زائد وزیراعظم عمران خان اوردنیا کے امیرترین شخص کے درمیان مختلف موضوعات پرگفتگوہوئی. بل گیٹس اور وزیر اعظم عمران خان کی ٹیلیفونک گفتگو کے دوران وزیراعظم کے معاون برائے انسداد پولیو بابر عطا بھی موجود تھے۔ ٹیلیفون کال کے دوران پولیو کے خاتمے کی کاوشوں پر بل گیٹس نے وزیراعظم کو خراج تحسین پیش کیا ۔ بل گیٹس کی جانب سے عمران خان کو وزارت عظمیٰ کا منصب سنبھالنے پر مبارکباد دی گئی اور مختلف شعبوں میں تعاون جاری رکھنے کی یقین دہانی کرائی گئی جبکہ وزیراعظم نے بل گیٹس کی سماجی شعبے میں تعاون پر شکریہ ادا کیا۔ ٹیلیفونک گفتگو کے دوران پاکستان میں آئی ٹی کے شعبے کو تقویت دینے کے لیے تبادلہ خیال بھی کیا گیا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*