پاکستان کرکٹ بورڈ (پی سی بی) نے دورہ آسٹریلیا اور زمبابوے کے خلاف سیریز کیلئے پاکستانی اسکواڈ کا اعلان کردیا گیا۔۔دورہ آسٹریلیا کیلئے قومی ٹیم کے سابق کپتان بابراعظم، نسیم شاہ اور شاہین شاہ آفریدی کو اسکواڈ کا حصہ بنایا گیا ہے جبکہ دورہ زمبابوے کیلئے انہیں آرام دیا جائے گا۔سلیکٹرز نے آئی سی سی چیمپئینز ٹرافی کے دفاع کیلئے اپنی حکمت عملی کے حصے کے طور پر دونوں دوروں میں ڈومیسٹک کرکٹ پرفارمرز کو بھی اسکواڈ میں شامل کیا گیا ہے۔زمبابوے کے دورے کیلئے ڈومیسٹک کرکٹ کے پرفارمرز کو زیادہ اہمیت دی گئی ہے، پاکستان ٹیم آسٹریلیا میں 3 ون ڈے اور 3 ٹی20 انٹرنیشنل کھیلے گی۔اسی طرح دورہ زمبابوے میں بھی 3 ون ڈے اور 3 ٹی20 انٹرنیشنل کھیلے جائیں گے۔واضح رہے کہ محمد رضوان آسٹریلیا کے تمام میچز اور زمبابوے میں ون ڈے میچوں میں دستیاب ہوں گے۔
