Buy website traffic cheap

سروسزہسپتال

سروسزہسپتال لاہورمیں ڈاکٹروں کی مبینہ غفلت،آپریشن کے دوران مریضہ کے پیٹ میں کپڑابھول گئے

لاہور(ویب ڈیسک): سروسز اسپتال میں ڈاکٹروں نے مجرمانہ غفلت کا مظاہرہ کرتے ہوئے آپریشن کے دوران مریضہ کے پیٹ میں کپڑا چھوڑ دیا۔میڈیا رپورٹس کے مطابق لاہور میں محمد اشفاق نامی شہری نے ہیلتھ کیئر کمیشن کو درخواست دی ہے جس میں کہا گیا ہے کہ اس کی بیٹی منسا فیصل کو زچگی کیلئے 20مئی کو سروسز اسپتال لایا گیا جہاں ڈاکٹر صدف اور ڈاکٹر ارم نے اس کا آپریشن کیا، زچگی کے بعد منسا کو اسپتال سے چھٹی دے دی گئی لیکن کچھ دن بعد اس کی طبیعت خراب ہوگئی۔ شدید تکلیف کے باعث منسا کو جناح اسپتال لے جایا گیا لیکن بیٹی کی حالت دیکھتے ہوئے اسپتال کے عملے نے علاج سے معذرت کرتے ہوئے اسے دوبارہ سروسز اسپتال ریفر کردیا۔محمد اشفاق کا کہنا ہے کہ 19جون کو کئے گئے الٹرا ساؤنڈ میں اس بات کا انکشاف ہوا کہ منسا کے پیٹ میں آپریشن کے دوران کپڑا رہ گیا ہے۔ ڈاکٹروں نے منسا کے پیٹ سے وہ کپڑا نکال لیا ہے جو لیڈی ڈاکٹر نے آپریشن کے دوران چھوڑ دیا تھا تاہم وہ اب بھی زیر علاج ہے اور اس کی حالت ٹھیک نہیں۔ اسپتال کے ڈاکٹر مناسب جواب دینے کے بجائے مسلسل ٹال مٹول کر رہے ہیں۔اشفاق کا کہنا ہے کہ میری بیٹی کی حالت خراب ہے لہذا ڈاکٹروں کو علاج معالجہ کا پابند بنایا جائے اس کے علاوہ ہیلتھ کیئر کمیشن غفلت کی مرتکب لیڈی ڈاکٹروں کے خلاف کارروائی بھی کرے۔