Buy website traffic cheap


سی پیک روٹ پر اقتصادی زونز س معاشی سرگرمیاں

سی پیک روٹ پر اقتصادی زونز س معاشی سرگرمیوں میں اضافہ ہوگا ، افتخار بشیر
نئی قائم کی جانیوالی انڈسٹریل اسٹیٹس میں غیر ملکی سرمایہ کاری بڑھے گی،نئی انڈسٹریز کا قیام عمل میں آئے گا
سی پیک اقتصادی زونزکے باعث ملکی برآمدات میں اضافہ تجارتی خسارہ میں کمی ہوگی،صدرگرائنڈنگ ملز ایسویسی ایشن
لاہور÷÷÷÷÷ تاجر رہنما و صدر گرائنڈنگ ملز ایسوسی ایشن پاکستان چوہدری افتخار بشیر سابق ایگزیکٹو ممبر لاہور چیمبرآف کامرس نے سی پیک روٹ پراسلام آباد اقتصادی زون کے قیام کے فیصلہ کو سراہتے ہوئے کہا کہ سی پیک روٹ پر اقتصادی زونز سے معاشی سرگرمیوں میں اضافہ ہوگااور نئی قائم کی جانے والی انڈسٹریل اسٹیٹس میں غیر ملکی سرمایہ کاری بڑھے گی اورحکومت کی جانب سے ملک میں سی پیک کے تحت قائم ہونے والے خصوصی اقتصادی زونز میں سرمایہ کاری کیلئے خصوصی پیکیج کے تحت ڈیوٹی و ٹیکسوں میں خصوصی رعایت سمیت دیگر مراعات دینے سے غیر ملکی سرمایہ کاری بڑھے گی جسے سے ملک معاشی طور پر مستحکم ہوگا اور حکومتی زرمبادلہ کے ذخائر میں اضافہ سے ملک خوشحالی و ترقی کی راہوں پر گامزن ہوگا ان خیالات کا اظہار انہوں نے گرائنڈنگ ملز ایسوسی ایشن کے صنعتکاروں کے وفد سے گفتگو کرتے ہوئے کیا۔ افتخار بشیر چوہدری نے کہا کہ سی پیک زونز میں صنعتوں کے قیام کیلئے پاکستانی ،چینی اور غی ملکی سرمایہ کاروں کو یکساں خصوصی مراعات کی فراہمی سے صنعتی شعبہ ترقی کرے گا اور ان اقدامات کے تحت خصوصی اقتصادی زونز میں نئی صنعتوں کے قیام کے لیے خام مال اور پلانٹس و مشینری و دیگر آلات پر سرمایہ کاروں کو ڈیوٹیوں اور ٹیکسوں سے استثنیٰ اور رعایتی قرضوں سمیت خصوصی مراعات سے ملکی سرمایہ کار بھی خوشدلی سے ان زونز میں نئی صنعتوں کے قیام کیلئے خدمات سرانجام دینگے۔ نئے انڈسٹریل اسٹیٹ میں ملکی و غیر ملکی سرمایہ کاروں کی جانب سے نئے صنعتی یونٹس کے قیام سے نہ صرف روز گار کے لاکھوں مواقع فراہم ہونگے بلکہ ان یونٹس کے قیام سے ملکی برآمدات میں اضافہ اور تجارتی خسارہ میں کمی ہوگی ۔