Buy website traffic cheap


نیند پوری کرکے پیسے کمانے کی منفرد انٹرنشپ کا اعلان

ممبئی (مانیٹرنگ ڈیسک)بھارت میںفوم اینڈ بیڈ کمپنی نے صرف نیند پوری کرنے کے لیے پیسے دی گئی ۔تفصیلا ت کے مطابق بھارتی ریاست کرناٹکا کے دارالحکومت بنگلورو کی فوم اینڈ بیڈ کمپنی ‘ویک فٹ’ نے صرف نیند پوری کرنے کے پیسے کمانے کی منفرد انٹرنشپ کا اعلان کردیا۔

میڈیا رپورٹ کے مطابق کمپنی نے انٹرنیز کیلئے عمر، جنس اور تعلیم کی کوئی قید نہیں رکھی۔ مذکورہ کمپنی نے گزشتہ سال اس منفرد انٹرنشپ کا آغاز کیا تھا اور رواں سال ایک بار پھر کمپنی نے انٹرنشپ کا اعلان کردیا۔ انٹرنشپ میں اپلائی کرنا انتہائی آسان ہے، کمپنی نے اپنی ویب سائٹ پر آن لائن فارم دیا ہے البتہ کمپنی کی واحد شرط یہ ہے کہ وہ افراد ہی انٹرنشپ کیلئے اپلائی کریں، جنہیں زیادہ دیر تک سونے کا شوق ہے اور وہ ثابت کر سکیں کہ نیند ہی ان کی سب سے بڑی ترجیح ہے۔

رپورٹ میں بتایا گیا ہے کہ منتخب ہونے والے انٹرنیز کو 100 دن تک یومیہ 9 گھنٹے سونا ہوگا اور پرسکون نیند کرنے کے بدلے انہیں بھارتی ایک لاکھ روپے ملیں گے۔