پاکستان کرکٹ ٹیم کا دوسرا گروپ آسٹریلیا پہنچ گیا

کراچی: آسٹریلیا کے خلاف سیریز کے لیے پاکستان کرکٹ ٹیم کے کھلاڑیوں کا دوسرا گروپ ملیبرن پہنچ گیا۔ یہ کھلاڑی کراچی سے دبئی کے راستے ملیبرن پہنچے، جن میں وائٹ بال کپتان محمد رضوان، نائب کپتان سلمان علی آغا، صائم ایوب، کامران غلام اور عبداللہ شفیق شامل ہیں۔
دیگر کھلاڑیوں میں عامر جمال، حسیب اللہ اور عرفات مہناس بھی ٹیم کے ہمراہ ہیں، جبکہ فیلڈنگ کوچ محمد مسرور اور مینجمنٹ کے پانچ ارکان بھی ملیبرن پہنچ گئے ہیں۔
یاد رہے کہ پاکستان کرکٹ ٹیم کا پہلا گروپ پہلے ہی ملیبرن پہنچ چکا ہے۔ اس گروپ میں سابق کپتان بابر اعظم، شاہین آفریدی، نسیم شاہ، حارث رؤف، محمد حسنین، عرفان خان نیازی اور فیصل اکرم شامل ہیں۔
پاکستان اور آسٹریلیا کے درمیان پہلا ون ڈے انٹرنیشنل میچ 4 نومبر کو کھیلا جائے گا۔

اس خبر پر اپنی رائے کا اظہار کریں

اپنا تبصرہ بھیجیں