Buy website traffic cheap

بلوچستان

پی ٹی آئی نے امیدواروں کی حتمی فہرست جاری کردی، پورے ملک میں سب سے زیادہ امیدوارکھڑے کرنیوالے پارٹی بن گئی

لاہور(ویب ڈیسک): تحریک انصاف نے امیدواروں کی حتمی فہرست جاری کر دی، قومی اسمبلی کیلئے 244اورصوبائی اسمبلیوں کے لیے 766امیدواروں کو ٹکٹ جاری کیے گئے ہیں۔تحریک انصاف کی حتمی فہرست کے مطابق ملک بھر سے قومی اسمبلی کے 244 حلقوں میں امیدوار کھڑے کیے گئے ہیں جبکہ صوبائی اسمبلیوں کے لیے مجموعی طور پر 766 امیدواروں کوٹکٹ دیے گئے ہیں۔قومی و صوبائی اسمبلی کی بعض نشستوں پر دیگر جماعتوں سے سیٹ ایڈجسٹمنٹ کی گئی ہے۔شیخ رشیداحمد کی عوامی مسلم لیگ، مسلم لیگ(ق)، مجلس وحدت مسلمین، اعجاز الحق اور گرینڈ ڈیمو کریٹک الائنس سے سیٹ ایڈجسٹمنٹ کی گئی ہے۔تحریک انصاف نے قومی اسمبلی کے 14 اور صوبائی اسمبلیوں کے 42 حلقوں میں خواتین کو ٹکٹ دیئے ہیں۔لاہور کے حلقہ این اے 136 سے پی ٹی آئی ٹکٹ کے دونوں امیدواروں ملک اسد کھوکھر اور خالد گجر نے گلبرگ آفس میں عمران خان سے ملاقات کی، جس کے بعد این اے 136 سے اسد کھوکھر اور پی پی 172 سے خالد گجر کو ٹکٹ جاری کر دیا گیا۔