Buy website traffic cheap

صدارتی

پاکستان پیپلز پارٹی نے صدارتی انتخابات کیلئے اعزاز احسن کو نامزد کردیا

اسلام آباد: پاکستان پیپلز پارٹی نے صدارتی انتخابات کے لئے اپنا امیدوار میدان میں اتارنے کا فیصلہ کر لیا ہے ۔پیپلز پارٹی کی جانب سے اعزاز احسن کو نامزد کردیا گیا ہے ۔ذرائع کے مطابق پیپلز پارٹی کے چیئرمین بلاول بھٹو زرداری اور شریک چیئرمین آصف زرداری نے اعتزاز احسن کو صدرارتی امیدوار نامزد کردیا جب کہ ان کے لیے لابنگ کرنے کے لیے خورشید شاہ کی سربراہی میں ایک کمیٹی بھی بنادی گئی۔ذرائع کا کہنا ہے کہ خورشید شاہ، شیری رحمان اور قمر زمان کائرہ پر مشتمل کمیٹی مسلم لیگ (ن) اور دیگر اتحادیوں سے رابطہ کرے گی۔ دوسری جانب تحریک انصاف کی جانب سے صدر مملکت کے لیے ڈاکٹر عارف علوی کو نامزد کیا گیا ہے۔یاد رہے کہ صدر مملکت ممنون حسین کی 8 ستمبر کو عہدہ صدارت پر مدت پوری ہورہی ہے اور نئے صدر کے انتخاب کے لیے پولنگ 4 ستمبر ہوگی۔الیکشن کمیشن کے نوٹی فکیشن کے مطابق صدارت کے عہدے کے لیے کاغذات نامزدگی 27 اگست کو دن 12 بجے تک جمع کرائے جاسکیں گے جس کی جانچ پڑتال 29 اگست کو صبح 10 بجے ہوگی۔امیدوار 30 اگست کو دن 12 بجے تک کاغذات نامزدگی واپس لے سکیں گے جس کے بعد حتمی فہرست اسی روز دن ایک بجے جاری کی جائے گی۔