Buy website traffic cheap

اکشے ا ور سلمان

100کروڑ کی دوڑمیں اکشے ا ور سلمان نے سب کو پیچھے چھوڑدیا

100کروڑ کی دوڑمیں اکشے ا ور سلمان نے سب کو پیچھے چھوڑدیا
ممبئی: بالی ووڈ کے دبنگ اداکار سلمان خان اوراکشے کمار نے 100 کروڑ کا بزنس کرنے والی فلموں کی دوڑ میں سب کو پیچھے چھوڑدیا۔بھارتی میڈیا کے مطابق بالی ووڈ کے خطروں کے کھلاڑی اکشے کمار اورمونی رائے کی فلم گولڈ ریلیزکے 13 ویں روزباکس آفس پر100 کروڑ سے زائد کا بزنس کرنے میں کامیاب ہوگئی ہے اورساتھ ہی 100 کروڑکلب میں جگہ بنانے والی اکشے کمارکی یہ نویں فلم بن گئی ہے۔اس سے قبل اکشے کی فلموں ٹوائلٹ ایک پریم کتھا، راڈی راٹھور، ایئرلفٹ، رستم،جولی ایل ایل بی 2، ہاس فل 2، ہولی ڈے،ہاس فل 3 نے 100 کروڑ کلب میں جگہ بنائی تھی۔ لیکن ابھی بھی اکشے کمار سلومیاں سے پیچھے ہیں، سلمان خان کی 13 فلمیں 100 کروڑ کلب میں جگہ بنا چکی ہیں اور اس طرح 100 کروڑ کی اس دوڑمیں سلمان خان پہلے اور اکشے کمار دوسرے نمبر پر ہیں۔تاہم اکشے کمار نے بالی ووڈ کنگ شاہ رخ خان اوراداکاراجے دیوگن کو مات دے دی ہے شاہ رخ خان کی صرف 7 فلمیں 100 کروڑ کلب میں جگہ بنانے میں کامیاب رہی ہیں جب کہ اجے دیوگن کی 8 فلموں نے 100 کروڑ سے زائد کا بزنس کیا ہے۔