لاہور(مانیٹرنگ ڈیسک)ایک 85 سالہ معمر برطانوی خاتون نے کورونا وائرس کو شکست دے دی اور صحتیابی کے بعد انہیں ہسپتال سے گھر بھیج دیا گیا۔

برطانوی میڈیا کے مطابق مذکورہ خاتون امریکی ریاست کولمبیا میں کروز شپ پر کورونا وائرس میں مبتلا ہوگئی تھیں جہاں سے انہیں نازک صورتحال میں کولمبیا کے ہی ایک ہسپتال میں داخل کیا گیا۔ہسپتال میں علاج کے ساتھ ساتھ خاتون نے خود بھی کورونا وائرس کا ڈٹ کر مقابلہ کیا اور بالآخر اسے شکست دے کر صحت یاب ہوگئیں۔مذکورہ خاتون کے بیٹے نے بھی طبی عملے اور ہسپتال انتظامیہ کا شکریہ ادا کیا۔

معمر خاتون کی ہسپتال سے فارغ ہوتے وقت کی ویڈیو بھی سوشل میڈیا شیئر کی گئی ہے جس میں دیکھا جاسکتا ہے کہ طبی عملے نے انہیں رخصت کرتے ہوئے تالیاں بجا کر خوشی کا اظہار کیا۔معمر خاتون اور ان کے بیٹے کا تعلق برطانیہ سے ہے تاہم وہ واپس لوٹنے کے لیے کولمبیا میں فلائٹ آپریشن بحال ہونے کے منتظر ہیں۔