بابائے قوم قائدِ اعظم محمدعلی جناح کا 145واں یوم پیدائش آج 25 دسمبر کو نتہائی عقیدت، احترام اور ملی جوش و جذبے کے ساتھ منایا جا رہا ہے۔اس موقع پر کراچی میں بابائے قوم کے مزار پر تعینات گارڈز کی تبدیلی کی پروقار تقریب منعقد ہوئی۔قائد اعظم کا یوم ولادت ملی جوش و جذبے کے ساتھ آج منایا جائے گا

پاکستان ملٹری اکیڈمی کے کیڈٹس کے چاق و چوبند دستے نے مزارِ قائد کی سیکیورٹی کی ذمے داری سنبھالی۔اس تقریب کے مہمانِ خصوصی کمانڈنٹ پاکستان ملٹری اکیڈمی میجرجنرل عمر احمد بخاری تھے جنہوں نے اس موقع پر مزار پر پھول رکھے اور فاتحہ خوانی بھی کی۔واضح رہے کہ بابائے قوم قائداعظم محمدعلی جناح کے 145ویں یوم پیدائش پر ملک بھر میں اسی مناسبت سے سیمینارز، کانفرنسز اور تقاریب منعقد ہوں گی۔

ان تقریبات میں بانی پاکستان کو ان کی گراں قدر خدمات اور برصغیرِ کے مسلمانوں کیلئے ا?زاد اور خود مختار وطن پاکستان کے خواب کو شرمندہ تعبیر کرنے کیلئے کی گئی جدوجہد پر شاندار الفاظ میں خراجِ عقیدت پیش کیا جائے گا۔