Buy website traffic cheap


افغانستان میں بم دھماکہ،سابق ٹی وی اینکر سمیت 3افراد ہلاک

کابل: افغانستان کے دارالحکومت میں ایک بم دھماکے میں سابق ٹی وی اینکر یما سیواش سمیت 3 افراد ہلاک ہوگئے۔عالمی خبر رساں ادارے کے مطابق دارالحکومت کابل میں ایک گاڑی پر بم حملہ کیا گیا جس کے نتیجے میں کار میں سوار افغانستان کے ٹی وی چینل طلوع کے سابق اینکر یما سیواش سمیت 3 افراد ہلاک ہوگئے۔

پولیس کا کہنا ہے کہ دھماکہ بارودی سرنگ کا تھا جسے عین اس وقت دھماکے سے اڑایا گیا جب وہاں سے سینٹرل بینک کی گاڑی گزر رہی تھی۔ کار میں سوار تینوں افراد بینک ملازمین تھے۔ اینکریما سیواش نے بھی حال ہی میں بینک میں ملازمت حاصل کی تھی۔

سینٹرل بینک کے میڈیا کورآرڈینیٹر عصمت اللہ کوہسار نے بتایا کہ دھماکے میں ڈپٹی منیجر آپریشن احمد اللہ انس اور ڈرائیور امین بھی ہلاک ہوگئے۔ بینک کی کار ان ملازمین کو دفتر لانے اور گھر لے جانے کیلیے استعمال ہوتی تھی۔