برطانیہ نے کورونا سے نمٹنے میں ناکامی کا الزام اپنے ہی سائنسدانوں پر لگادیا

لاہور(مانیٹرنگ ڈیسک)برطانیہ نے عالمگیر وبا کورونا وائرس سے نمٹنے میں ناکامی پر اپنے ہی سائنسدانوں کو مورد الزام ٹھہرا دیا ہے۔

برطانوی کابینہ کی وزیر برائے ورکس اینڈ پینشن تھریز کافی نے کہا ہے کہ حکومت کو طبی ماہرین کی جانب سے غلط مشورے دیے گئے اور ہم نے ہر قدم سائنس کے مطابق اٹھایا۔ان کا کہنا تھا کہ وزرا کو سائنٹیفک ایڈوائزری گروپ فار ایمرجنسیز (ایس اے جی ای) کی جانب سے مسلسل تجاویز دی جاتی رہیں۔

خیال رہے کہ اس سےقبل برطانیہ کے چوٹی کے سائنس دان سر ایڈریان سمتھ نےکہا تھا کہ برطانوی وزرا کویہ بات نہیں کہنی چاہیے کہ وہ بالکل ویسا ہی کررہے ہیں جیسا کہ طبی ماہرین مشورہ دے رہے ہیں۔