Buy website traffic cheap


چینی شہری نے سابقہ محبوبہ کو بے ہوش کرکے رقم اپنے اکاﺅنٹ میں منتقل کرلی

سابقہ محبوبہ کو نشہ آور چیز دے کر بے ہوش کرکے اس کی آنکھ کی مدد سے اسمارٹ فون کو ان لاک کرکے اس کے اکاﺅنٹ سے رقم اپنے اکاﺅنٹ میں منتقل کرنے کا جرم ثابت ہونے پر چینی شہری کو قید کی سزا سنا دی گئی۔

یہ عجیب و غریب واردات گزشتہ سال 26 دسمبر 2020 کو ہوئی تاہم یہ کیس حال ہی میں چینی سوشل میڈیا پر وائرل ہوا ہے۔

28 سالہ ہوانگ موہوئی، جوکہ چین کے صوبے گوانگزی کے شہر ہیپو کا رہائشی ہے، اس نے ڈانگ نامی اپنی سابقہ گرل فرینڈ کو نشہ آور چیز کھلا کر پہلے اسے بے ہوش کیا اور اس کے بعد اس کی آنکھوں کو کھول کر اس کا اسمارٹ موبائل فون ان لاک کرکے اس کے اکاﺅنٹ سے 23 ہزار 500 ڈالر کے مساوی رقم ہتھیالی۔

رپورٹ کے مطابق ہوانگ موہوئی نے ایسا اس لیے کیا تاکہ وہ جوئے کے قرض کو اتارسکے۔