Buy website traffic cheap


سعودی شاہی خاندان کے درجنوں افراد کورونا کا شکار:نیویارک ٹائمز

ریاض(مانیٹرنگ ڈیسک)امریکی اخبار نیویارک ٹائمز کے مطابق سعودی عرب کے شاہی خاندان سے تعلق رکھنے والے ’’درجنوں‘‘ افراد میں کورونا وائرس کا انکشاف ہوا ہے جن میں اہم سرکاری عہدیداران اور گورنر صاحبان تک شامل ہیں۔

اخبار نے اپنے نمائندگان ڈیوڈ کرک پیٹرک اور بین ہوبارڈ کے حوالے سے بتایا ہے کہ سعودی دارالحکومت ریاض میں ’’شاہ فیصل سپیشلسٹ ہاسپٹل‘‘ کے سینئر ڈاکٹروں کے نام ایک ہدایت نامے میں کہا گیا ہے کہ وہ ’’تمام ملک سے وی آئی پی مریضوں کےلیے تیار رہیں۔‘‘

اس ہدایت نامے کے فوراً بعد ہی 500 سے زیادہ بستروں کو ’’وی آئی پی مریضوں‘‘ کےلیے تیار کرنا شروع کردیا گیا ہے۔ واضح رہے کہ مذکورہ اسپتال کا ایک بڑا حصہ صرف شاہی خاندان سے تعلق رکھنے والے افراد کے علاج معالجے کےلیے مخصوص ہے۔

8 اپریل کے روز نیویارک ٹائمز میں شائع ہونے والی اس خبر پر سعودی عرب کی حکومت نے اب تک کوئی ردِعمل نہیں دیا ہے۔