Buy website traffic cheap

عراق میں امریکی فضائی

عراق میں امریکی فضائی اڈے پر ڈرون اور راکٹس حملے

بغداد: عراق کے دارالحکومت میں انٹرنیشنل ایئرپورٹ سے متصل امریکی فوجی اڈے پر دو ایسے ڈرونز داغے گئے جن پر ’قائد قاسم سلیمانی کا انتقام‘ لکھا ہوا تھا جب کہ 4 راکٹس بھی مارے گئے۔

عالمی خبر رساں ادارے کے مطابق بغداد عالمی ہوائے اڈے پر امریکی فوجیوں کے زیر استعمال حصے میں دو ڈرونز اور 4 راکٹس سے حملہ کیا گیا جس کے بعد سائرن کی ا?وازیں گونجنے لگیں اور جوابی کارروائی کے لیے اتحادی فواج کے ہیلی کاپٹرز نے فضا میں گشت شروع کردیا۔

ڈرونز اور راکٹ حملے سے امریکی فوجی اڈے کی عمارت کو معمولی نقصان پہنچا۔ حملے وقت درجنوں امریکی فوجی اہلکار موجود تھے تاہم تاہم کوئی کوئی جانی نقصان ہوا۔ ڈرونز پر ”قائد قاسم سلیمانی کا انتقام“ لکھا ہوا تھا۔

دوسری جانب اس حملے سے سوشل میڈیا پر وائرل ہونے والی ویڈیو میں ایران کے حمایت یافتہ مسلح تنظیم “ابابیل بریگیڈز” کے جنگجوﺅں کو امریکی اڈے پر ڈرون حملے کی تیاری کرتے دکھایا گیا ہے جب کہ وہ آپس میں گفتگو کے دوران حملے کو قاسم سلیمانی کا انتقام قرار دے رہے تھے۔

عراقی میڈیا کے مطابق ڈرونز کو جوابی کارروائی میں دفاع نظام نے مار گرایا تاہم 4 راکٹس امریکی فوجی اڈے کے احاطے میں گرے جس سے معمولی نقصان ہوا ہے۔

ایران کی حمایت یافتہ تنظیم نے دعویٰ کیا ہے کہ ڈرونز اور راکٹس حملے پاسداران انقلاب کی قدس فورس کے سربراہ جنرل قاسم سلیمانی اور پاپولر موبیلائزیشن فورسز کے نائب سربراہ ابو مہدی المہندس کے امریکی حملے میں قتل کی دوسری برسی کے موقع پر انتقاماً کیے گئے۔