پاکستان شوبز انڈسٹری کے نامور اداکار گوہر رشید نے اسرائیلی نڑاد امریکی اداکارہ گال گدوت کے ٹوئٹ پر ان کی کلاس لے لی۔اداکارہ گال گدوت نے اسرائیل کی فلسطین میں جاری جارحیت کے باوجود اسرائیل کے حق میں ٹوئٹ کیا تھا جس پر انہیں شدید تنقید کا سامنا کرنا پڑا۔

تنقید کرنے والوں میں پاکستانی اداکار گوہر رشید اور عثمان خالدبٹ بھی شامل ہوگئے ہیں انہوں نے اداکارہ کو کھری کھری سنائیں۔

اداکار نے لکھا کہ ’آپ کا ملک حالتِ جنگ میں نہیں، بلکہ جنگ کا آغاز کرنے والا آپ کا اپنا ملک ہے، جس کا احساس آپ کو جلد ہوجائے گا۔انہوں نے یہ بھی لکھا کہ حب الواطنی کا جذبہ انسانیت سے بڑھ کر نہیں ہوسکتا۔