کراچی: سونے کی قیمت ایک بار پھر اضافے کے بعد فی تولہ ایک لاکھ 31 ہزار سے بڑھ گئی۔

سندھ صرافہ بازار جیولرز ایسوسی ایشن کے مطابق اج کاروباری ہفتے کے تیسرے روز سونے کی قیمت میں اضافہ ریکارڈ ہوا ہے اور سونے کی فی تولہ قیمت میں 7 سو روپے کا اضافہ ہوا جس کے بعد سونے کی فی تولہ قیمت ایک لاکھ 31 ہزار 400 روپے ہو گئی۔

سونے کی 10 گرام قیمت 600 روپے اضافے کے بعد ایک لاکھ 12 ہزار 654 روپے ہو گئی۔ایسوسی ایشن کے مطابق عالمی مارکیٹ میں 06 ڈالر کے اضافے سے فی اونس سونا 2015 ڈالر کا ہو گیا۔

گزشتہ روز بھی ملک بھر میں سونے کی فی تولہ قیمت 700 روپے اضافے کے بعد ایک لاکھ 30 ہزار 700 روپے ہوگئی تھی جبکہ 10 گرام سونے کی قیمت 600 روپے اضافے کے بعد 1 لاکھ 12 ہزار 54 روپے ہوئی تھی۔