Buy website traffic cheap

Governor State Bank meeting with CM Punjab

وزیراعلی پنجاب سے گورنر سٹیٹ بینک کی ملاقات، معاشی صورتحال پر تبادلہ خیال

لاہور :نگران وزیراعلی پنجاب محسن نقوی سے گورنر سٹیٹ بینک جمیل احمد نے ملاقات کی ہے۔ گورنر سٹیٹ بینک نے ایوان وزیراعلی میں محسن نقوی سے ملاقات کی جس میں معاشی صورتحال پر تبادلہ خیال کیا گیا، ملاقات کے دوران بینک آف پنجاب اور پنجاب کو آپریٹو بینک کے امور پر گفتگو ہوئی۔ اس موقع پر نگران وزیراعلی محسن نقوی نے کہا کہ کسان کو سبسڈی اور آسان قرضے دے کر زیادہ پیداوار کا ہدف حاصل کرنا چاہتے ہیں، زیادہ پیداوار کیلئے چھوٹے کسان پر مالی بوجھ کم سے کم کرنا ضروری ہے، زراعت اور دیگر شعبوں میں معاشی سرگرمیوں میں بہتری سے عوام مستفید ہوں گے۔ محسن نقوی کا کہنا تھا کہ پنجاب میں کاٹن کی ریکارڈ پیداوار سے 2 ارب ڈالر کے زرمبادلہ کی بچت ہوگی، پنجاب میں چاول کی ایکسپورٹ دو ارب ڈالر سے بڑھ رہی ہے، سرمایہ کاروں اور صنعتکاروں کو تمام ممکنہ سہولتیں دینے کی پالیسی پر عمل پیرا ہیں، سٹاک ایکسچینج میں تیزی کا رجحان مثبت اثرات کا حامل ہوگا۔ اس موقع پر گورنر سٹیٹ بینک جمیل احمد نے کہا کہ وزیراعلی محسن نقوی نے پنجاب میں زراعت سمیت دیگر شعبوں میں بہتری کیلئے قابل قدر اقدامات کئے، کاٹن، چاول اور دیگر فصلوں کی بہتر پیداوار سے معیشت پر مثبت اثرات مرتب ہوں گے۔