Buy website traffic cheap


انڈیا پاک چین تعلقات میں دراڑ پیدا کرنے کی کوشش میں ناکام ہوگا، صدر مملکت

اسلام آباد: صدر مملکت نے کہا ہے کہہ بھارت پاک چین تعلقات میں دراڑپیداکرنےکی کوشش میں ناکام ہوگا۔نئے پارلیمانی سال کے آغاز پر پارلیمنٹ کا مشترکہ اجلاس ہوا جس کی صدارت اسپیکر قومی اسمبلی اسد قیصر نے کی۔ وزیراعظم عمران خان ، قائد حزب اختلاف شہباز شریف اور پاکستان پیپلز پارٹی کے چیئرمین بلاول بھٹو زرداری بھی ایوان میں موجود تھے۔

اجلاس سے صدر مملکت ڈاکٹر عارف علوی نے خطاب کیا تو اپوزیشن کی جانب سے شور شرابا کیا گیا۔ اراکین اسمبلی اسپیکر ڈائس کے سامنے جمع ہوگئے اور انہوں نے حکومتی کارکردگی کیخلاف شدید نعرے بازی کی۔ انہوں نے میڈیا کو آزاد کرو اور معاشی قتل بند کرو کے نعرے بھی لگائے۔ اپوزیشن احتجاج کرنے کے بعد اجلاس سے واک آو¿ٹ کرگئی۔

صدرمملکت عارف علوی نے کہا کہ شورمچانےکی بجائے حقیقت تسلیم کرنی پڑےگی ، صبرکریں اورسنیں،عوام کوبات سمجھ آگئی ہےیہاں بھی سمجھنی چاہیے، حکومتی کارکردگی اورکامیابی کوشورشرابےسےنہیں روکاجاسکتا، گزشتہ 3 سالوں میں ملک وقوم میں بہت مثبت تبدیلیاں آئی ہیں، پاکستان درست سمت کی جانب اور معیشت ترقی کی جانب گامزن ہے، تیسرےپارلیمانی سال کی تکمیل پرمبارکبادپیش کرتاہوں۔

عارف علوی نے کہا کہ کوروناکےباعث دنیابھرکی معیشتیں متاثرہوئیں لیکن بہترحکومتی پالیسیوں کی بدولت پاکستان کی معیشت مستحکم رہی، تعمیراتی شعبےمیں ترقی کاسہراوزیراعظم کےسرہے، حکومت نےتعمیراتی شعبےکو36ارب روپےکی سبسڈی دی، غیرملکی سرمایہ کاروں کےاعتمادمیں60فیصداضافہ ہواہے۔

صدرمملکت نے بتایا کہ کرپشن کےناسوراورماضی کی غلط ترجیحات کی وجہ سےہم ترقی سےمحروم رہے، ہم نےماضی میں ٹیلنٹ کی قدرنہیں کی، ہم نےلوٹ مارسےتوجہ ہٹاکرانسانیت پرفوکس کیاہے، 3 سال میں پاکستان نےاندرونی وبیرونی محاذپرکامیابیاں حاصل کیں، ملک میں قرض کی سہولت تو بہت زیادہ ہے لیکن جہالت کی وجہ سے قرض لینے کی تعدادکم ہے۔

عارف علوی کا کہنا تھا کہ افغانستان میں بڑی تبدیلی ا?ئی، عمران خان کا شروع سے موقف رہا ہے کہ جنگ کی بجائے مذاکرات سے مسئلہ حل کیا جائے، افغانستان کی نئی حکومت اپنے عوام کو متحد کرے ، فتح مکہ پر نبی کی تعلیمات کے مطابق معافی کی پالیسی اپنائے، افغان سرزمین سے پڑوسی ممالک کو خطرہ نہ ہو، طالبان رہنماو¿ں کے بیانات حوصلہ افزا ہیںِ، دنیا افغان عوام کو بے یارو مددگار نہ چھوڑے بلکہ ان کی تعمیر و ترقی میں مدد کرے، دنیا تسلیم کرے کہ افغانستان کے متعلق عمران خان اور پاکستان کا مشورہ درست ثابت ہوا، دنیا کو دیگر معاملات میں بھی عمران خان کی شاگردی و مریدی اختیار کرنی چاہیے، انہوں نے کتنا بڑا مشورہ دیا لیکن دنیا کو کھربوں ڈالر خرچ کرنے اور لاکھوں افراد کی جانیں جانے کے بعد یہ بات سمجھ میں آئی۔

صدرعارف علوی کا کہنا تھا کہ چین نےپاکستان کی ترقی میں اہم کرداراداکیاہے، چین کےساتھ دوطرفہ تعلقات کوقدرکی نگاہ سے دیکھتے ہیں، سی پیک گیم چینجرمنصوبہ ہے اس سے خطے میں ترقی ہوگی، بھارت پاک چین تعلقات میں دراڑپیداکرنےکی ناکام کوشش کرتارہتاہے، بھارت میں ایٹمی مواد کی کھلم کھلافروخت باعث تشویش ہے اور بھارت کےفاشسٹ نظریئے کی مذمت کرتاہوں، بھارت کئی دہائیوں سے کشمیریوں کی نسل کشی کررہا ہے۔

عارف علوی نے مزید کہا کہ فیک نیوزکے ذریعے دنیاکوگمراہ کیاگیا، اللہ تعالیٰ بھی قرآن میں فرماتاہے کہ پہلے تحقیق کروپھربات کوآگے پھیلاو¿، جھوٹی خبروں کا سدباب ضروری ہے۔ ان کا کہنا تھا کہ انتخابی اصلاحات کو متنازع نہ بنایا جائے، ای وی ایم میں پرانے بیلٹ کا نظام بھی شامل ہے، انتخابات میں شفافیت جمہوریت کے لیے بہت ضروری ہے۔

پاکستان میڈیا ڈیولپمنٹ اتھارٹی کے قیام سے متعلق متنازع قانون کے خلاف احتجاج کے باعث پارلیمنٹ کی پریس گیلری اور پریس لاونج میں میڈیا کا داخلہ بند کردیا گیا، پارلیمنٹ کے مشترکہ اجلاس کے کارڈ رکھنے والے صحافیوں کو کیفے ٹیریا تک محدود رکھا گیا۔