Buy website traffic cheap


کراچی میں مارکیٹیں 8 بجے تک کھولنے کا فیصلہ پیر تک موخر

کراچی: تاجر ایکشن کمیٹی نے کراچی میں مارکیٹیں 8 بجے تک کھولنے کا فیصلہ پیر ترک موخر کردیا۔

صوبائی وزیر اطلاعات ناصر حسین شاہ کمشنر کراچی اور تاجر ایکشن کمیٹی کے درمیان ہفتے کی شام مارکیٹوں کے کاروباری اوقات کار سے متعلق مزاکرات ہوئے۔

مزاکرات میں تاجروں نے صوبائی وزیر کی یقین دہانی پر آج مارکیٹوں کو 8 بجے شب تک کھولنے کا فیصلہ پیر تک کے لیے موخر کردیا ہے تاہم تاجر ایکشن نے واضح کیا ہے کہ پیر تک اگر سندھ حکومت نے کوئی نوٹیفیکشن جاری نہ کیا تو تاجر ایکشن کمیٹی ازخود 8 بجے تک مارکیٹیں کھولے گی۔

صوبائی وزیر ناصر حسین شاہ نے کہا کہ تاجر ہمارے بھائی ہیں ان کے تمام مطالبات وزیراعلی سندھ تک پہنچا دیے ہیں، پیر کو این سی او سی کا اجلاس ہے، اس اجلاس کے بعد ہی تاجروں کو خوشخبری دیں گے، اگر تاجروں کے ساتھ زیادتی ہوئی ہے تو اس کا ازالہ کیا جائے گا۔ تاجروں کے مطالبے پرتمام اضلاع میں کوآرڈینیشن کمیٹی بنائی جائے گی تاکہ مستقبل میں تاجروں کے خلاف ایکشن سے قبل تاجر کوآرڈینیشن کمیٹی سے بات چیت کی جاسکے۔

اس موقع پر صوبائی وزیر اطلاعات سید ناصر حسین شاہ نے تاجروں کے ہمراہ میڈیا سے بات چیت کرتے ہوئے کہاکہ انہوں نے تاجر انجمنوں کو درخواست کرکے بلایاہے تاکہ چپقلش کے تاثر کوختم کیاجاسکے، تاجرنمائندوں سے کہاہے کہ وہ پیر تک 8 بجے شب تک مارکیٹیں کھولنے کے فیصلے کومو¿خر کریں جبکہ حکومت سندھ پیر تک تاجروں بیشتر مطالبات پورے کردے گی۔

انہوں نے بتایا کہ تاجر نمائندوں نے پولیس اور انتظامیہ کے رویئے کی شکایات کی ہیں اور تاجروں کی شکایات پر ایس ایچ او سعود آباد کو ریورٹ اور معطل کیا ہےاور بھی ایکشن بھی لئے ہیں۔ انہوں نے کہاکہ ضلعی سطح پر کوآرڈینیشن کمیٹیاں تشکیل دی جائیں گی۔ تاجر تنظیموں اورانتظامیہ کے درمیان رابطوں کو مضبوط کرکے فیصلوں میں تاجر برادری سے مشاورت کی جائے گی ہم نہیں چاہتے کہ کسی کا معاشی قتل ہو۔ ہم نے فیصلے خوشی سے نہیں بلکہ عوام کی حفاظت کےلیے کیے اور تمام فیصلے این سی او سی کے تحت فیصلے کیے ہیں