Buy website traffic cheap

Punjab companies Scandal, NAB, SC, Shahbaz Sharif

پنجاب کی 71 کمپنیاں، نیب نے سپریم کورٹ میں جواب جمع کرا دیا

لاہور(ویب ڈیسک): پنجاب کی 71 کمپنیوں کے معاملے پر نیب نے سپریم کورٹ میں جواب جمع کرا دیا۔قومی احتساب بیورو (نیب)نے اپنے جواب میں کہا کہ پنجاب فنانس ڈویژن نے 53 کمپنیوں کو 193 ارب روپے دئیے،

18 کمپنیوں کو پنجاب فنانس ڈویژن نے کوئی رقم نہیں دی، غیر ملکی ڈونر سے ساڑھے 14 ارب کمپنیوں کو ملے، شہباز شریف کیخلاف 660 ملین کا ریفرنس دائر کر دیا ہے، کچھ کمپنیوں نے ٹی ایم ایز اور غیر ملکی فنڈز 163 ارب روپے بھی لیے۔نیب نے کہا کمپنیوں کے معاملہ پر مزید دو ریفرنس دائر کیے گئے، کمپنیوں کے معاملہ پر دو تحقیقات، 15 انکوائریاں زیر التوا ہیں، کمپنیوں کیخلاف 14 انکوائریوں میں محکمانہ کاروائی کی سفارش کر دی، 29 کمپنیوں کے خلاف انکوائریاں بند کرنے کی سفارش کر دی، پنجاب کمپنیوں کے معاملہ میں 1019 ملین روپے پلی بارگین سے ریکور کیے، پنجاب کی 71 کمپنیوں میں سے 49 فعال اور 22 غیر فعال ہیں۔