صلاح الدین ایوبی کی زندگی پر پاکستان اورترکی مشترکہ طور پر ڈرامہ بنائیں گے
پاکستان اور ترکی نے مشترکہ طور پر معروف مسلمان شخصیت صلاح الدین ایوبی کی زندگی پر ڈرامہ سیرل بنانے کا اعلان کردیا ہے اس سلسلے میں دونوں ممالک کے پروڈکشن ہاﺅسز مشترکہ طور پرکام کریں گے
میڈیا رپورٹس کے مطابق صلاح الدین ایوبی کی زندگی پر ڈرامہ سیریز بنانے کے لیے پاکستانی ادارے انصاری اینڈ شاہ فلمز اور ترک پروڈکشن ہاوس اکلی فلمز کے درمیان معاہدہ طے پایا گیا ہے جس پر دستخط ترکی میں ہی کیے گئے۔
اس ضمن میں ترک پروڈیوسر ایمرے کونک نے مائیکرو بلاگنگ سائٹ ٹوئٹر پر جاری کیے گئے پیغام میں دونوں ممالک کے عوام کو خوشخبری سنائی۔ترک پروڈیوسر ایمرے کونک نے اپنے ٹوئٹ میں بتایا کہ ’اکلی فلمز اور انصاری شاہ فلمز کے درمیان ٹی وی سیریز ’سلطان صلاح الدین ایوبی‘ کے لیے ایک معاہدہ کیا گیا ہے۔
انہوں نے نیک خواہشات کا اظہار کرتے ہوئے لکھا کہ ترکی اور پاکستان کے تعاون سے تیار کیا جانے والا بین الاقوامی منصوبہ ہمارے ملک اور ہماری فن کی دنیا کے لیے فائدہ مند ہو۔‘