Buy website traffic cheap


وفاقی کابینہ نے تحریک لبیک پرپابندی کی سمری منظورکرلی

اسلام آباد:وفاقی کابینہ نے تحریک لبیک پر پابندی کی سمری منظور کر لی ،تفصیلات کے مطابق وزیراعظم عمران خان نے تحریک لبیک پرپابندی کی سمری منظورکرلی۔وزیراعظم نے تحریک لبیک پاکستان پر پابندی کی سمری منظورکرلی ہے، جس کے بعد وزارت داخلہ کی جانب سے بھیجی گئی سرکلر سمری وفاقی کابینہ نے بھی منظور کرلی ہے۔

ذرائع کا کہنا ہے کہ وفاقی کابینہ سے منظوری سرکولیشن سمری کے ذریعے لی گئی، اور پابندی کی منظوری انسداد دہشت گردی ایکٹ کے تحت دی گئی ہے۔
سمری میں ہے کہ تحریک لبیک کی پرتشدد کارروائیوں سے 2 پولیس اہلکار شہید اور 580 زخمی ہوئے، قانون نافذ کرنے والے اداروں کی 30 گاڑیوں کو نقصان پہنچایا گیا، تحریک لبیک کے 2063 کارکن گرفتار اور 115 ایف آئی آردرج کی گئیں۔

واضح رہے کہ گزشتہ روز وفاقی وزیرداخلہ شیخ رشید نے پریس کانفرنس میں اعلان کیا تھا کہ حکومت نے تحریک لبیک پاکستان پر پابندی لگانے کا فیصلہ کیا ہے، اور اس پابندی کا فیصلہ انسداد دہشت گردی ایکٹ کے تحت کیا گیا ہے، جب کہ اس کی سفارش پنجاب حکومت نے کی تھی۔