نیویارک ( ماینٹرنگ ڈیسک) امریکا، یورپ اور ایشیا میں سونے کے نرخوں میں اضافہ ہوا جس کی وجہ کورونا وائرس کی نئی لہر کے باعث سرمایہ کاروں کی قیمتی دھات میں سرمایہ کاری ہے۔نیویارک میں سپاٹ گولڈ کے وقفے کے قریب نرخ 0.6 فیصد بڑھ کر 1753.82 ڈالر فی اونس رہے۔

امریکی سونے کے سودے 0.9 فیصد اضافے کے ساتھ 1769.30 ڈالر فی اونس طے پائے۔لندن میں سپاٹ گولڈ کے وقفے سے قبل نرخ 1 فیصد بڑھ کر 1760.55 ڈالر فی اونس رہے۔امریکی سونے کے سودے 1.3 فیصد اضافے کے ساتھ 1776 ڈالر فی اونس طے پائے۔

سنگاپور میں سپاٹ گولڈ کے وقفے کے بعد نرخ 0.5 فیصد بڑھ کر 1751.63 ڈالر فی اونس رہے۔امریکی سونے کے سودے 0.7 فیصد اضافے کے ساتھ 1764.50 ڈالر فی اونس طے پائے۔