Buy website traffic cheap


دنیا کا سب سے مہنگا ترین زہر ،قیمت 5 ارب 85 کروڑ روپے

لندن: دنیا کا سب سے مہنگا ترین زہر جس کی قیمت 5 ارب 85 کروڑ روپے ،دنیاکا یہ نیاب ترین زہر ایک خاص قسم کے بچھو میں پایا جاتا ہے ،یہ زہر سائنسی تحقیق ،تجربہ گاہوں اور ادویات سازی میں استعمال ہوتا ہے اس خاص بچھو کے ایک گیلن (پونے 4 لیٹر) کی قیمت 3 کروڑ 90 لاکھ ڈالر ہے یعنی پاکستانی روپوں میں 5 ارب 85 کروڑ روپے تک ہے۔

دنیا میں ایک بچھو پایا جاتا ہے جسے ”ڈیتھ اسٹاکر“ بچھو کہا جاتا ہے۔ اس کا زہر دنیا کا مہنگا ترین مائع ہے اور اس کا زہر انتہائی مہلک بھی ہے۔ اس بچھو کا کاٹا مکھی کے ڈنک سے 100 گنا تکلیف دہ ہوتا ہے اور بچوں اور بڑوں کو فوری طور پر مارڈالتا ہے۔

سائنس دانوں کے مطابق ڈیٹھ اسٹاکر کا زہر کئی طرح کے پیچیدہ کیمیکل سے مل کر بنا ہوتا ہے اور اسی بنا پر دنیا بھر کے ماہرین اس کے زہر میں دلچسپی رکھتے ہیں۔ ڈیتھ اسٹاکر بچھو کے زہر میں پیپٹائڈ کلورو ٹاکسن پایا جاتا ہے جو سرطانی دماغی رسولی کے علاج میں کام آتا ہے۔

اس کے علاوہ یہ ذیابیطس کے علاج اور انسولین سازی میں بھی استعمال ہوتا ہے۔ یہی وجہ ہے کہ دنیا بھر کے سائنس داں اور طبی ماہرین اس زہر میں غیرمعمولی دلچسپی لے رہے ہیں۔لیکن اول تو ان بچھووں کی تعداد بہت کم ہے اور دوم ایک بالغ بچھو ایک وقت میں صرف دو ملی گرام زہر ہی فراہم کرتا ہے اور اسی وجہ سے اس کی قیمت ہوش ربا ہے۔ ایک مرتبہ زہرنکالنے کے دو سے تین ہفتے بعد ہی بچھودوبارہ اتنا زہر بناپاتا ہے۔ یہی وجہ ہے کہ اسے دنیا کا مہنگا ترین زہر کہا جاتا ہے۔