Buy website traffic cheap

The site of the ancient arena was chosen for the battle between Musk and Zuckerberg

مسک اور زکربرگ کی لڑائی کیلئے قدیم اکھاڑے کی جگہ چن لی گئی

سان فرانسسکو، امریکا: ٹیسلا اور ایکس کے مالک ایلون مسک نے کہا ہے کہ میٹا کے سی ای او مارک زکربرگ کے ساتھ ان کی لڑائی اٹلی میں قدیم اکھاڑے کولوزیئم میں ہوگی۔عالمی میڈیا رپورٹس کے مطابق سوشل میڈیا پلیٹ فارم X کے مالک ایلون مسک نے بتایا کہ اٹلی کے دارالحکومت روم میں موجود جو قدیم اکھاڑا ہے جسے قدیم رومی تفریحی کھیلوں کیلئے استعمال کرتے تھے، وہاں زکربرگ کے ساتھ ان کی لڑائی ہوگی۔انہوں نے یہ بھی بتایا کہ ریسلنگ سے حاصل ہونے والی آمدنی کو ایک خیراتی ادارے کو عطیہ کیا جائے گا جبکہ ناظرین کیلئے لڑائی کو لائیو اسٹریم بھی کیا جائے گا۔مسک نے X پوسٹ میں کہا کہ لائیو سٹریم ایکس اور میٹا، دونوں پر ہوگی۔ ایلون مسک نے مزید بتایا کہ وہ پہلے ہی اطالوی وزیر اعظم جارجیا میلونی اور ملک کے وزیر ثقافت دونوں سے بات کر چکے ہیں اور کولوسیئم میں لرنے کی اجازت حاصل کرچکے ہیں۔