Buy website traffic cheap


اقوام متحدہ نے کورونا کیخلاف جنگ کو ایک نسل کی لڑائی قرار دیدیا

لاہور(مانیٹرنگ ڈیسک)اقوام متحدہ کے سکر یٹری جنرل انتونیو گوتریس نے کورونا کے خلاف کوششوں کو ایک نسل کی لڑائی قرار دے دیا اور سلامتی کونسل پر زور دیا ہےکہ وہ کوروناسے نمٹنے کےلیے اتحاد کا مظاہرہ کرے۔

کورونا سے متعلق جرمنی کی درخواست پر بلائے گئے سلامتی کونسل کے اجلاس میں تمام رہنماوں نے ویڈیو لنک کے ذریعے شرکت کی۔اجلاس سے خطاب کرتے ہوئے سیکرٹری جنرل اقوام متحدہ انتونیو گوتریس نےکہا کہ اس مشکل وقت میں کونسل کا اتحاد اور عزم بہت معنی رکھتا ہے۔انہوں نے کہا کہ دنیا میں کورونا وائرس کے مضمرات کو کم کرنے میں سلامتی کونسل کی شمولیت اہم ثابت ہو گی۔

انتونیو گوتریس نے کہا کہ کورونا کے خلاف ایک نسل کی لڑائی کا سامنا ہے، کورونا وائرس پر قابو پانےکے لیے مل کر کام کی ضرورت ہے، وبا پر قابو پانے کے لیے ہم سب کو پہلےسے زیادہ یکجہتی کا مظاہرہ کرنا ہوگا ۔

سیکرٹری جنرل اقوام متحدہ سلامتی کونسل مشکل گھڑی میں اتحاد کا ثبوت دے، وبا کے دوران امن و سلامتی کے لیےکوششیں نہایت اہم ہوں گی۔