Buy website traffic cheap


پاکستان میں رجسٹرڈ افغان مہاجرین کی واپسی کا عمل عارضی طور پر روک دیا

اسلام آباد(مانیٹرنگ ڈیسک)افغانستان کے ساتھ طورخم اور چمن کراسنگ پوائنٹس کی بندش کے بعد پاکستان میں رجسٹرڈ افغان مہاجرین کی رضاکارانہ وطن واپسی کا عمل عارضی طور پر روک دیا۔

یو این ہائی کمیشن برائے مہاجرین (یو این ایچ سی آر) نے افغانستان کے ساتھ طورخم اور چمن کراسنگ پوائنٹس کی بندش کے بعد پاکستان میں رجسٹرڈ افغان مہاجرین کی رضاکارانہ وطن واپسی کا عمل عارضی طور پر روک دیا۔ یہ عمل حکومت پاکستان کی جانب سے کورونا وائرس کی روک تھام کی غرض سے اٹھائے گئے اقدامات کے تحت کیا گیا ہے۔

یو این ایچ سی آر ترجمان کے مطابق خیبرپختونخوا میں اضاخیل نوشہرہ اور بلوچستان میں بلیلی، کوئٹہ میں یو این ایچ سی آر کے مراکز اگلے احکامات تک جبکہ افغانستان میں امدادی رقوم دینے کے مراکز بھی بند رہیں گے۔