Buy website traffic cheap


امریکہ اور آسٹریلیا کا بھارت پر سفری پابندیاں لگانے کا فیصلہ

واشنگٹن: امریکہ نے کورونا کی وجہ سے بھارت پر سفری پابندی لگانے کا فیصلہ کر لیا۔ترجمان وائٹ ہاوس کے مطابق امریکی صدرجوبائیڈن نے بھارت پرسفری پابندیاں لگانے کا فیصلہ کیا ہے اور بھارت سے امریکہ آنے والی تمام پروازوں پرپابندی ہو گی۔

انہوں نے کہا کہ بھارتی پروازوں پر پابندی کا اطلاق 4 مئی سے ہو گا۔ امریکہ میں مستقل رہائش کا اجازت نامہ رکھنے والوں کو 4 مئی تک مہلت ہو گی اور 4 مئی کے بعد کسی کو بھارت سے امریکہ ا?نے کی اجازت نہیں ہو گی۔

سفری پابندی کا فیصلہ بھارت میں کورونا وبا کی شدت کی وجہ سے کیا گیا۔دوسری جانب آسٹریلیا نے بھی بھارت سے آنے والوں پر سفری پابندیاں مزید سخت کر دیں اور بھارت سے آنے والوں پر مکمل پابندی لگا دی۔

گزشتہ 14 روز میں بھارت جانے والے شہریوں پر بھی آسٹریلیا میں داخلے پر پابندی ہو گی جبکہ سفری پابندیوں کی خلاف ورزی پر پانچ سال قید اور 66 ہزار ڈالر جرمانہ ادا کرنا ہو گا۔