چیئرمین پی سی بی محسن نقوی نے کہاکہ بنگلہ دیش بورڈ کیساتھ گزشتہ چند ہفتے سے باہمی سیریز پر بات کررہے ہیں،جلد اس حوالے سے پیش رفت ہو گی۔ بنگلہ دیش کرکٹ بورڈ کے صدر فاروق احمد نے محسن نقوی کیساتھ میڈیا سے گفتگو کرتے ہوئے کہاکہ چئیرمین پی سی بی کا شکریہ جنہوں نے مدعو کیا، ہماری کرکٹ بہت آگے آ ئی ہے،دونوں بورڈز کے درمیان ایف ٹی پی کے علاوہ وائٹ بال سیریز کرانے پر بات ہوئی ہے،دونوں بورڈز سیریز شیڈول کرنے پر بات چیت کر رہے ہیں۔
چیئرمین پی سی بی محسن نقوی کاکہناتھا کہ فاروق احمد کو لاہور میں سیمی فائنل کے موقع پر خوش آمدید کہتا ہوں،چیمپئنز ٹرافی کے انعقاد پر بی سی بی کے تعاون پر فاروق احمد کا شکریہ ادا کرتا ہوں، ان کاکہناتھا کہ دونوں بورڈز گزشتہ چند ہفتے سے باہمی سیریز پر بات کر رہے ہیں،جلد اس حوالے سے پیش رفت ہو گی۔
