تین ملکی ون ڈے سیریز کا آغاز کل سے لاہور میں ہوگا، پہلے میچ میں کل پاکستان اور نیوزی لینڈ ٹکرائیں گے، کپتان محمد رضوان نے کہا ہے کہ ٹیم متحد ہیں، اچھے نتائج دیں گے، کیوی کپتان مچل سینٹنر نے فخر زمان کو خطرہ قرار دے دیا۔ چیمپئنز ٹرافی سے قبل ٹرائی سیریزکا سج گیا.
نیوزی لینڈ، جنوبی افریقا اور پاکستان کی سہ ملکی سیریز کل سے شروع ہوگی۔لاہور میں سیریزکی ٹرافی کی رونمائی ہوئی، قومی کھلاڑیوں کا فوٹو شوٹ بھی ہوا۔ پہلے ٹاکرے میں نیوزی لینڈ اور پاکستان کا جوڑ پڑے گا، قذافی سٹیڈیم دوپہر 2 بجے شور بھی مچے گا۔دونوں ٹیموں میں 116 ون ڈے کھیلے جا چکے ہیں، 51 میں کیویز جبکہ 61 میں شاہینوں نے میدان مارا ہے۔
پاکستان کرکٹ ٹیم کے کپتان محمد رضوان کی نیوز کانفرنس میں کہا ہے کہ چیمپئنز ٹرافی کیلئے بہترین ٹیم کا انتخاب کیا گیا، فی الحال سکواڈ میں کوئی تبدیلی نہیں کر رہے ہیں۔محمد رضوان نے کہا کہ صائم ایوب کی پاکستانی ٹیم میں کمی ضرور ہے، کنڈیشنز دیکھ کر ٹیم فائنل کریں گے، تین ملکی سیریز سے چیمپئنز ٹرافی کی تیاری میں مدد دے گی۔انہوں نے کہا کہ ابراراحمد اولین ترجیح ہے، اس لیے دوسرا سپنر نہیں رکھا، فخر زمان کو بیمار کی وجہ سے منتخب نہیں کیا تھا، وہ گیم چینجر ہے اسے سائیڈ پر نہیں کرسکتے۔
