پاکستان شوبز انڈسٹری کی اداکارہ مہوش حیات کی بالی ووڈ اداکار سنجے دت کے ساتھ تصویر سوشل میڈیا پر وائرل ہوگئی۔
فوٹو اینڈ ویڈیو شیئرنگ پلیٹ فارم انسٹاگرام پر سٹائلسٹ راؤ علی خان نے اداکارہ مہوش حیات اور بالی ووڈ کے لیجنڈ سنجے دت کے ساتھ تصویر شیئر کی جو بعد میں سوشل میڈیا پر وائرل ہوگئی۔
دونوں اداکاروں کو ایک ساتھ دیکھ کر شائقین کافی پرجوش ہیں اور امکان ظاہر کیا گیا کہ شاید کسی پراجیکٹ میں اکٹھے جلوہ گر ہوں گے۔
اگرچہ اس کی کوئی باضابطہ تصدیق نہیں ہوئی ہے لیکن مداحوں نے چہ مگوئیاں شروع کردی ہیں۔
راؤ علی خان کی جانب سے شیئر کی گئیں تصاویر میں مہوش حیات کو بالی ووڈ اداکار چنکی پانڈے ، انکی اہلیہ اور پروڈیوسر و ڈائریکٹر بونی کپور کے ساتھ بھی دیکھا جا سکتا ہے۔
