لاہور: سینئر اداکارہ صبا حمید نے کہا ہے کہ آج کے بچے ماضی کے مقابلے میں زیادہ ذہین اور ہوشیار ہیں، اور وہ محبت میں ناکامی کے بعد آگے بڑھنے کی طرف زیادہ توجہ دیتے ہیں۔
ایک نجی ٹی وی پروگرام میں شرکت کرتے ہوئے صبا حمید نے واضح کیا کہ 16 سے 25 برس کے درمیان دو افراد کی پسندیدگی کو محبت سمجھا جاتا ہے۔
انہوں نے مزید کہا کہ نوجوانوں میں “موو آن” جیسی نئی اصطلاح کا ابھرنا ایک مثبت تبدیلی ہے، جو رومانوی تعلقات میں اہمیت اختیار کر چکی ہے۔
اداکارہ نے یہ بھی کہا کہ ان کے دور میں ناکام محبت کا سامنا کرنے والے افراد کو دکھی سمجھا جاتا تھا، لیکن آج کل لوگ یہ سمجھتے ہیں کہ ناکامی کے بعد آگے بڑھنے کا وقت ہے۔
صبا حمید نے نوجوانوں کی سمجھداری اور ہوشیاری کی تعریف کرتے ہوئے کہا کہ آج کے بچے اپنی نسل سے بہتر ہیں اور وہ محبت میں ناکامی کے بعد دوسرے آپشنز تلاش کرنے میں ہچکچاتے نہیں۔
